8 мамырда еліміздің бірқатар өңірінде найзағай ойнап, бұршақ жауады. Астанада күндіз жаңбыр мен найзағай күтіледі, деп хабарлайды Zhaiyqmedia.kz ақпарат агенттігі.
Синоптиктердің мәліметінше, бұл күні солтүстік өңірлерде найзағай ойнап, бұршақ жаууы мүмкін. Оралда да күндіз жаңбыр жауып, найзағай ойнайды.
«Қазақстанның солтүстік жартысында атмосфералық фронттардың өтуіне байланысты күн күркіреп, найзағай ойнап, бұршақ жауады. Оңтүстікте ауа райы құбылмалы болады», — деді Қазгидромет мамандары.
Ауа температурасы солтүстікте +15…+20°C, оңтүстікте +25…+30°C болжанып отыр. Желдің жылдамдығы секундына 15-20 метрге жетеді.
