Иранның шекара қызметі Парсы шығанағында контрабандалық жанармай тасымалдаған бес кемені ұстады. Оларда 200 мың литрге жуық жанармай болған, деп хабарлайды Zhaiyqmedia.kz ақпарат агенттігі.
Ирандық күш құрылымдарының мәліметінше, кемелер жанармайды заңсыз әкетуге әрекеттенген. Ұсталған кемелер мен жүк тәркіленіп, 11 адам ұсталды.
«Контрабандашылар жанармайды көрші елдерге сатуды көздеген. Қазіргі уақытта тергеу амалдары жүргізілуде», — деді Иран шекара қызметінің өкілі.
Бұл Ирандағы жанармай контрабандасына қарсы кезекті ірі операция. Елде жанармай бағасының төмендігіне байланысты контрабанда жиі кездеседі.
