Синоптиктер 3 мамыр күні еліміздің бірнеше өңірінде ауа райы күрт нашарлайтынын ескертті. Нөсер жаңбыр, қатты дауыл және тіпті үсік күтіледі.
«Қазгидромет» мамандары республика бойынша ескерту жариялады. Тұрғындарды сақ болуға шақырады, деп хабарлайды Zhaiyqmedia.kz ақпарат агенттігі.
Синоптиктердің болжамынша, 3 мамырда еліміздің солтүстік және орталық аймақтарында қатты жел соғады. Желдің жылдамдығы секундына 20 метрге жетеді. Оңтүстік өңірлерде нөсер жаңбыр күтіледі.
Түнде ауа температурасы күрт төмендеп, кей жерлерде үсік болуы мүмкін. Әсіресе, егіншілікпен айналысатындарға сақ болу керек.
«Ауа райының қолайсыздығына байланысты жолдарда көлік жүргізу қауіпті. Дала жұмыстарын кейінге қалдыруды ұсынамыз», — дейді «Қазгидромет» мамандары.
Алдағы күндері ауа райы біртіндеп тұрақталады деп күтілуде.
