Қазақстанда қоғамдық орындарда бет-жүзді толық жабатын киім мен аксессуарларды киюге тыйым салынды. Бұл шешім құқық бұзушылықтардың алдын алу және қоғамдық тәртіпті сақтау мақсатында қабылданды, деп хабарлайды Zhaiyqmedia.kz ақпарат агенттігі.
Полиция қызметкерлері тыйым салынған киімдерді киген азаматтарға ескерту жасап, заң талаптарын түсіндіруде. Әсіресе, ірі қалаларда, соның ішінде Оралда да бұл ереже қатаң сақталуда.
«Бет-жүзді жабатын киімдер қоғамдық орындарда қауіпсіздікті қамтамасыз етуге кедергі келтіреді. Сондықтан азаматтардан заңды бұзбауды сұраймыз», – деді БҚО полиция департаментінің өкілі.
Тыйым салынған заттарға никаб, балаклава және басқа да бетті толық жабатын киімдер жатады. Медициналық маскалар мен діни себептермен киілетін орамалдар бұл тізімге кірмейді.
Заң бұзғандарға алдымен ескерту жасалып, қайталанған жағдайда әкімшілік жауапкершілік қарастырылған. Полиция тұрғындарды сақ болуға және заң талаптарын орындауға шақырады.
