Қазақстандық ескек есушілер Кореяда өткен Азия кубогынан 6 медальмен оралды. Оның ішінде екі алтын, үш күміс және бір қола бар.
Жарыс Корея Республикасының Чхунджу қаласында өтті. Қазақстан құрамасы осы жолы мықты нәтиже көрсетіп, жалпы командалық есепте жоғары орынға ие болды, деп хабарлайды Zhaiyqmedia.kz ақпарат агенттігі.
Алтын медальдарды ерлер мен әйелдер арасындағы экипаждар жеңіп алды. Күміс жүлделер үш түрлі сында, ал қола бір бағытта қанжығаланды.
«Біздің спортшылар өте жоғары деңгейде өнер көрсетті. Бұл – жаттығулар мен еңбектің жемісі», – деді құрама жаттықтырушысы.
Қазақстандық ескек есушілер енді келесі халықаралық старттарға дайындалуда.
