Мемлекет басшысы Қасым-Жомарт Тоқаев «Таза Қазақстан» акциясына белсене қатысқан бір топ азаматты марапаттады, деп хабарлайды Zhaiyqmedia.kz ақпарат агенттігі.
Президент еліміздің тазалығы мен көркеюіне үлес қосқан азаматтардың еңбегін жоғары бағалады. Олардың қатарында еріктілер, қоғам белсенділері және коммуналдық қызметкерлер бар.
«Біздің ортақ үйіміз – Қазақстан. Әрбір азаматтың тазалыққа деген жауапкершілігі – болашаққа жасалған инвестиция», – деді Тоқаев марапаттау рәсімінде.
Акция аясында еліміздің түкпір-түкпірінде мыңдаған адам көшелер мен саябақтарды тазалап, ағаш отырғызды. БҚО тұрғындары да бұл шарадан тыс қалмады.
