Президент Қасым-Жомарт Тоқаев «Таза Қазақстан» республикалық экологиялық акциясын қолдап, «Самал» саябағында ағаш отырғызды, деп хабарлайды Zhaiyqmedia.kz ақпарат агенттігі.
Мемлекет басшысы бұл акцияны еліміздің экологиялық ахуалын жақсартудағы маңызды бастама деп атады. Ол азаматтарды табиғатты қорғауға белсенді атсалысуға шақырды.
«Біздің ортақ үйіміз – табиғат. Оны таза ұстау – әрқайсымыздың парызымыз. Осындай акциялар арқылы біз болашақ ұрпаққа жарқын өмір сыйлаймыз», – деді Қасым-Жомарт Тоқаев.
Акция аясында саябақта жүздеген ағаш көшеттері отырғызылды. Шараға еріктілер мен қала тұрғындары да қатысып, ортақ іске үлес қосты.
