Мемлекет басшысы Alem.ai battle және AI Governance Cup байқауларының жеңімпаздарын марапаттады. Президент IT саласындағы озық идеяларды мемлекеттік жүйеге енгізу қажеттігін айтты, деп хабарлайды Zhaiyqmedia.kz ақпарат агенттігі.
Марапаттау рәсімінде Президент ұшқыр ой мен терең білім сынға түсетін додалардың берері мол екенін атап өтті. Ол жеңімпаздарды құттықтап, олардың жобаларын мемлекеттік басқаруға енгізу мүмкіндіктерін қарастыруды тапсырды.
«Біздің мақсатымыз – IT саласындағы үздік шешімдерді мемлекеттік жүйеге кеңінен енгізу. Жастардың идеялары мен жобалары ел дамуына серпін беруі тиіс», — деді Президент.
Байқауға еліміздің түкпір-түкпірінен жүздеген жас маман қатысты. Жеңімпаздар арнайы дипломдармен және ақшалай сыйлықтармен марапатталды. Енді олардың жобалары мемлекеттік органдарға енгізу үшін сараптамадан өтеді.
