Қытайдың Санья қаласында өтіп жатқан Жағажай Азия ойындарында Қазақстан қоржынына тұңғыш алтын медаль түсті. Джиу-джитсудан бақ сынаған Нұржан Батырбеков қарсыластарын тізе бүктіріп, ел намысын асқақтатты, деп хабарлайды Zhaiyqmedia.kz ақпарат агенттігі.
Жарыс өте қызықты өтті. Нұржан әлемдік деңгейдегі мықты балуандармен кездесіп, өзінің шеберлігін дәлелдеді.
«Бұл жеңіс – көп жылғы еңбегімнің жемісі. Қазақстанның туын көтергеніме қуаныштымын», – деді Нұржан Батырбеков.
Қазақстан құрамасы бұл ойындарға бірнеше спорт түрінен қатысып жатыр. Алғашқы алтын медаль командаға үлкен серпін берді.
