Reddit әлеуметтік желісінің қолданушылары Қазақстан туын әлемдегі ең әдемі байрақ деп таныды, деп хабарлайды Zhaiyqmedia ақпарат агенттігі.
Желіде «Flags of the World Tournament» атты онлайн-турнир өтті. Онда пайдаланушылар әлем елдерінің мемлекеттік рәміздері арасынан ең үздігін дауыс беру арқылы анықтады.
Жарыс олимпиадалық жүйе бойынша ұйымдастырылған. Алғашында елдер географиялық топтарға бөлініп, кейін жеңімпаздар келесі кезеңге өтіп, жеңілгендер жарыстан шығып отырды.
Нәтижесінде қазақстандық көк байрақ барлық қарсыласынан басым түсіп, бірінші орынды иеленді. Екінші орынға Кирибати, ал үшінші орынға Бутан мемлекетінің тулары лайық деп танылды.
Фото: Әлеуметтік желіден
