Белгілі бизнесмен Арман Әлімовті ұрлау ісіне қатысты сот үкімі өзгеріссіз қалды. Апелляциялық сот алқасы Хасан Қасымбаевтың 12 жылдық жазасын күшінде қалдырып, оның шағымын қанағаттандырмады, деп хабарлайды Zhaiyqmedia ақпарат агенттігі.
Апелляциялық сот алқасы бірінші сатыдағы соттың шешімін толықтай заңды деп таныды. Осылайша, Хасан Қасымбаевқа тағайындалған 12 жыл бас бостандығынан айыру жазасы өзгерген жоқ.
Бұл іс қоғамда кеңінен талқыланған болатын. Тергеу материалына сәйкес, Хасан Қасымбаев бір топ адаммен алдын ала сөз байласып, кәсіпкер Арман Әлімовті ұрлап, одан ірі көлемде ақша бопсалаған.
Сотталушының қорғаушылары үкіммен келіспей, апелляциялық шағым түсірген еді. Алайда сот алқасы қылмыстық іс материалдарын қайта қарап, Қасымбаевтың кінәсі толық дәлелденгенін алға тартып, шағымды қанағаттандырудан бас тартты.
Фото: Әлеуметтік желіден
