Жамбыл облысында автобус пен жеңіл көліктің соқтығысуы салдарынан бір адам қаза тапты, деп хабарлайды Zhaiyqmedia ақпарат агенттігі.
Облыстық полиция департаментінің мәліметінше, қайғылы оқиға Аса – Ақкөл тасжолында болған. Van Hool маркалы автобустың жүргізушісі рөлге ие бола алмай, жолдың қарсы бағытына шығып кетіп, Volkswagen Golf көлігімен соқтығысқан.
Жол-көлік оқиғасы салдарынан жеңіл көліктің жолаушысы оқиға орнында көз жұмды. Ал оның жүргізушісі ауруханаға жеткізілді. Автобуста болған жолаушылардың ешқайсысы зардап шеккен жоқ.
Аталған дерек бойынша қылмыстық іс қозғалды. Полиция ауа райының қолайсыздығына байланысты жүргізушілерді жолда барынша абай болуға шақырды.
Фото: Әлеуметтік желіден
