Мемлекет басшысы Қасым-Жомарт Тоқаев Үндістан Премьер-министрі Нарендра Модиге Республика күніне орай құттықтау жеделхатын жолдады, деп хабарлайды Zhaiyqmedia ақпарат агенттігі.
«Президент құттықтауында Нарендра Модидің дана басшылығының арқасында Үндістанның сенімді түрде алға жылжып келе жатқанын атап өтті. Сондай-ақ елдің экономиканы дамытуда және азаматтардың өмір сүру сапасын арттыруда елеулі табысқа жеткеніне назар аударды», – делінген Ақорданың ресми хабарламасында.
Сонымен қатар Қасым-Жомарт Тоқаев Нарендра Модидің мемлекеттік қызметіне толағай табыс, ал достас Үндістан халқына бақ-береке тіледі.
Фото: Әлеуметтік желіден
