Оралдағы шұжық цехтарының бірінде 40 жастағы жұмысшыны станок қысып, ол оқиға орнында көз жұмды, деп хабарлайды Zhaiyqmedia ақпарат агенттігі.
Қайғылы оқиға қаладағы жауапкершілігі шектеулі серіктестіктердің бірінің аумағында болған. Алған ауыр жарақаттарынан ер адам сол жерде қайтыс болды.
БҚО бойынша мемлекеттік еңбек инспекциясы комитетінің департаменті бұл деректі растап, оқиғаның мән-жайы анықталып жатқанын хабарлады. Қазіргі уақытта арнайы тексеру жүргізілуде.
Өз кезегінде БҚО полиция департаментінің баспасөз қызметі жұмысшының қазасы бойынша қылмыстық іс қозғалғанын мәлімдеді. Еңбек қауіпсіздігі ережелерін бұзу бабы бойынша соталды тергеу амалдары басталды.
Фото: Әлеуметтік желіден
