Илон Масктың SpaceX компаниясы Ирандағы Starlink спутниктік интернеті үшін абоненттік төлемді алып тастады. Бұл қадам Иран билігінің наразылықты басу мақсатында интернетті толық бұғаттауына жауап ретінде жасалды, деп хабарлайды Zhaiyqmedia ақпарат агенттігі.
Bloomberg басылымының жазуынша, бұл ақпаратты америкалық Holistic Resilience ұйымының атқарушы директоры Ахмад Ахмадиан таратқан. Алайда Starlink тарапынан бұл жөнінде әлі ресми мәлімдеме жасалған жоқ.
Иранда Starlink терминалдарын пайдалануға ресми тыйым салынғанына қарамастан, белсенділер құрылғыларды елге заңсыз жолдармен кіргізіп жатыр. Ахмадианның бағалауынша, қазіргі таңда Иран аумағында осындай 50 мыңнан астам құрылғы болуы мүмкін.
Фото: The White House
