Кәсіпқой бокстан IBF және WBO тұжырымдары бойынша әлем чемпионы Жәнібек Әлімханұлының допинг сынамасына қатысты тәртіптік тыңдау өтетін күн белгіленді, деп хабарлайды Zhaiyqmedia ақпарат агенттігі.
Бұл туралы Қазақстанның кәсіпқой бокс федерациясының басшысы Рахымжан Ерденбеков мәлімдеді. Ресми ақпаратқа сәйкес, тыңдау 2026 жылдың 19 қаңтарына жоспарланған.
«Істі қарау қолданыстағы барлық регламентке, процессуалдық әділеттілікке, кінәсіздік презумпциясы қағидаттарына және халықаралық допингке қарсы стандарттарға сәйкес қатаң түрде өтеді», — делінген федерация хабарламасында.
Айта кетейік, Жәнібек Әлімханұлы (17-0, 12 KO) — орта салмақтағы ең мықты боксшылардың бірі. Ол соңғы жекпе-жегін биыл қазан айында өткізіп, қарсыласын мерзімінен бұрын жеңген болатын.
Фото: Тұрар Қазанғапов/ Vesti.kz
