Қазақстанда 2025 жылға қарай бос жұмыс орындарының саны сәл азайғанымен, сату мен жарнама бағытында сұраныс әлі де жоғары күйінде қалмақ. Әсіресе Алматы мен Астанада бұл салаларға қызығушылық басым, деп хабарлайды Zhaiyqmedia ақпарат агенттігі.
hh.kz порталы таратқан мәліметке сүйенсек, елімізде 538 мыңнан астам вакансия тіркелген. Бұл өткен жылмен салыстырғанда 4,7 пайызға төмен. Алайда, бизнес пен қызмет көрсету саласында тұрақты сұраныс сақталып отыр.
Ауқымды қалалардағы көрсеткіш:
- Алматы — 200 мыңнан астам бос орын (−6,8%)
- Астана — 120 мың жұмыс орны (+0,6%)
- Шымкентте —0,8%, Қарағандыда −4%, Павлодарда −4,6%, Қостанайда −0,6%
- Өскемен −7,8%, Ақтөбе −6,4%, Атырау −8,9%, Ақтау −11,6%
Салалар бойынша сұраныс үлесі:
- Сату және клиенттерге қызмет көрсету — 12,6% (−3,5%)
- Спорт клубтары мен сұлулық салондары — 6,9% (−2,4%)
- Автокөлік саудасы — 5,7% (−3,7%)
- Әкімшілік қызметшілер — 3,7% (−3%)
Бірқатар салаларда керісінше өсім байқалды. Соның ішінде:
- Өндіріс пен сервистік қызмет — 5% (+4,6%)
- Құрылыс пен жылжымайтын мүлік — 5,4% (+4,1%)
- Жұмысшы мамандықтар — 7,1% (+2,6%)
- Көлік пен логистика — 5,2% (+2,6%)
- Туризм мен HoReCa — 4,7% (+4,6%)
- Қаржы және бухгалтерлік қызмет — 4,9% (+2%)
«Сату мен клиенттік сервистерге деген сұраныс өткен жылмен салыстырғанда төмендегенімен, барлық бос орындардың ішінде үлесі әлі де ең жоғары болып тұр», – дейді еңбек нарығы сарапшылары.
