Сурет:БҚО Әкімдігі

Батыс Қазақстан облысында экономикалық өсім көрсеткіштері тұрақты түрде артып келеді. Бұл туралы Орталық коммуникациялар қызметінде өткен баспасөз мәслихатында облыс әкімі Нариман Төреғалиев мәлімдеді.

Әкімнің айтуынша, өңір экономикасының негізгі бағыттарында оң динамика байқалады. Құрылыс жұмыстарының көлемі 9%-ға, тұрғын үйді пайдалануға беру 4,1%-ға өскен. Негізгі капиталға салынған инвестициялар 1,2%-ға артса, ішкі сауда көлемі 0,7%-ға, көлік қызметтері 1,2%-ға, байланыс саласы 6,2%-ға, өнеркәсіп 3,6%-ға, ауыл шаруашылығы 6,4%-ға ұлғайған.

Соңғы үш жылда жалпы өңірлік өнім көлемі 4,4 трлн теңгеден 4,7 трлн теңгеге дейін өсіп, 6,5% артты. Бюджет түсімі де көбейіп, өңір бюджеті 475 млрд теңгеден 634 млрд теңгеге жеткен. Мемлекеттік бюджетке 1,6 трлн теңге аударылса, оның 597 млрд теңгесі – жергілікті, 990 млрд теңгесі – республикалық бюджетке бағытталған. Сонымен қатар Ұлттық қорға 2,8 трлн теңге көлемінде қаражат түсті.

Аймақтағы орташа айлық жалақы да өсім көрсетіп отыр: 316 мың теңгеден 369 мың теңгеге дейін yüksеліп, 16,6%-ға артқан.