«Ақтөбе» футбол клубы 15 жастағы ойыншысы Арон Мұсаның қайтыс болғанын хабарлады. Ол «Ақтөбе U-16» командасында қорғаушы болып ойнаған.

Клубтың баспасөз қызметі таратқан мәліметке сәйкес, қаза Аронның отбасына үлкен қайғы әкелді – футболшымен бірге әжесі мен немере ағасы да өмірден озған.

«Мұса әулетіне қайғыра көңіл айтамыз. Арон – команда үшін әрдайым үлгі болған, болашағынан үміт күттірген ойыншы еді», – делінген ресми хабарламада.

Жас таланттың қазасы спорт қауымдастығы мен жанкүйерлерді терең қайғыға салды.

сурет: орда.кз