Мәжіліс депутаты Елнұр Бейсенбаев заңсыз онлайн-лотерея ұйымдастырып жүрген блогерлерге қатысты мәселе көтерді. Оның айтуынша, кейбір танымал желі белсенділері заңдағы олқылықтарды пайдаланып, түрлі онлайн-курстар мен марафондардың атын жамылып, лотерея түрінде ақша жинап жүр.

— «Онлайн-бизнес, курс, марафон деп жариялайды, бірақ шын мәнінде бұл — заңсыз лотерея. Мұндай әрекет азаматтарды алдау ғана емес, қоғамда құмар ойынға тәуелділікті арттыруға ықпал етеді. Сондықтан заңды күшейту қажет», – деді депутат.

Сонымен қатар Елнұр Бейсенбаев заңсыз әрекетке барған бірнеше блогердің атын атап, құзырлы органдарды шара қабылдауға шақырды.