Сурет: sport24.ru
Португалия футбол федерациясы ұлттық құраманың бас бапкері лауазымына тәжірибелі маман Жорже Жезушті тағайындауды жоспарлап отыр. Команда әлем чемпионатынан оралған соң тараптар келісімшарт шарттарын талқылайды, деп хабарлайды Zhaiyqmedia.kz ақпарат агенттігі.
Португалиялық A Bola басылымының дерегінше, федерация президенті Педру Проэнса 71 жастағы Жорже Жезушке құраманы сеніп тапсырмақшы. Маман соңғы маусымда Сауд Арабиясының «Әл-Наср» клубын жаттықтырды. Қазір бұл клубта португалдық Криштиану Роналду мен Жоау Феликс ойнайды.
Келіссөздер сәтті өтсе, Жезуш Португалияны 2028 жылғы Еуропа чемпионатына дайындайтын бас бапкер болады. Бұған дейін құраманы жаттықтырған Роберто Мартинес әлем чемпионатында Испаниядан 1:0 есебімен ұтылған соң қызметінен кететінін мәлімдеген еді.
