Сурет: Polisia.kz
Ішкі істер министрлігі биылғы жылдың 5 айында терроризм тұрғысынан осал 2 665 нысанды тексерген. Тексерілген нысандардың 72 пайызында терроризмге қарсы қорғалу деңгейі талаптарға сай болған, деп хабарлайды Zhaiyqmedia.kz ақпарат агенттігі.
736 объектіде заңбұзушылықтар анықталып, басшыларға кемшіліктерді жою туралы нұсқамалар берілді. 3,2 мыңнан астам басшы мен меншік иесіне түсіндіру жұмыстары жүргізілді.
Терроризмге қарсы қорғау талаптарын орындамағаны үшін 263 басшы әкімшілік жауапкершілікке тартылды. Салынған айыппұлдардың жалпы сомасы 118 миллион теңгеден асты, делінген хабарламада.
Сонымен қатар 48 нұсқаулыққа ревизия жүргізіліп, объектілерді күзету талаптарын жетілдіру бойынша ұсыныстар енгізілді.
