Сурет: Egemen Qazaqstan
АҚШ-тың арнайы делегациясы Абу Дабиге барып, Парсы шығанағындағы одақтастарымен қауіпсіздік пен Иранға қатысты ахуалды талқылады, деп хабарлайды Zhaiyqmedia.kz ақпарат агенттігі.
Араб түбегінде аптап ыстық 50 градусқа жетті. Алайда өңірдегі басты алаңдаушылық – Иран төңірегіндегі жағдай. Сарапшылардың пікірінше, Вашингтон мен Тегеран атысты тоқтатуға мүмкіндік беретін келісімге келген. Енді оның қаншалықты ұзаққа созылатыны белгісіз.
Иран Израильдің Ливанға жасаған соққыларынан кейін Ормуз бұғазын қайта жапты. Ормуз бұғазындағы тұрақсыздық өңір экономикасына ауыр соққы болды. Мұнай мен жүк тасымалы баяулап, сауда көлемі азайды. Қазір кемелер бұғаз арқылы қайта өте бастағанымен, Ормуздағы жағдайды Иран әлі де толық бақылауда ұстап отыр.
