Сурет: Egemen Qazaqstan
«Қазгидромет» 2026 жылғы 14 маусымға дауылды ескерту жариялады. Синоптиктер Астана қаласы мен Қазақстанның барлық 17 облысында қауіпті ауа райы құбылыстары болатынын хабарлады, деп хабарлайды Zhaiyqmedia.kz ақпарат агенттігі.
Астанада кей уақыттарда жаңбыр жауып, найзағай ойнайды, күндіз бұршақ болуы мүмкін. Өрт қаупі жоғары деңгейде сақталады.
Алматы облысының оңтүстігі мен таулы аудандарында қысқа мерзімді жаңбыр мен найзағай күтіледі. Оңтүстік-батыстан соғатын желдің екпіні оңтүстікте, шығыста және таулы аудандарда секундына 15-20 метрге жетеді. Күндіз ауа температурасы 35 градусқа, солтүстікте 38 градусқа дейін көтеріледі. Солтүстік аудандарда төтенше және жоғары өрт қаупі сақталады. Қонаев қаласында күндіз 35 градус ыстық болады. Іле Алатауының таулы аймақтарында (Медеу және Бостандық аудандарының тау бөктерлерінде) қысқа мерзімді жаңбыр мен найзағай болжанып отыр.
Маңғыстау облысының солтүстік-шығысы мен орталығында жаңбыр мен найзағай болады. Батыста және Ақтау қаласында жоғары өрт қаупі сақталады.
Атырау облысында түнде батыс, оңтүстік және шығыс аудандарда жаңбыр жауып, найзағай ойнайды. Күндіз солтүстікте нөсер, бұршақ және дауыл күтіледі. Желдің екпіні 15-20 м/с-қа жетеді. Атырау қаласында да жаңбыр мен найзағай болады.
Абай облысының батысы, солтүстігі және орталығында жаңбыр, найзағай, күндіз бұршақ пен дауыл күтіледі. Күндіз ауа температурасы 35-37 градусқа көтеріледі. Облыс бойынша төтенше өрт қаупі жарияланған. Семей қаласында қысқа мерзімді жаңбыр мен найзағай болады.
Батыс Қазақстан облысында жаңбыр, найзағай, бұршақ және дауыл болжанады. Түнде және таңертең тұман түсуі мүмкін. Батыс пен оңтүстік-батыста жоғары, қиыр батыста төтенше өрт қаупі сақталады. Орал қаласында да осындай ауа райы күтіледі.
Шығыс Қазақстан облысында күндіз қысқа мерзімді жаңбыр, найзағай, бұршақ және дауыл болады. Ауа температурасы 35 градусқа көтеріледі. Оңтүстікте төтенше, қалған бөлігінде жоғары өрт қаупі сақталады.
Жамбыл облысының таулы аудандарында қысқа мерзімді жаңбыр мен найзағай күтіледі. Күндіз ауа температурасы 38 градусқа жетеді. Батыста төтенше, қалған бөлігінде жоғары өрт қаупі сақталады. Тараз қаласында да жоғары өрт қаупі бар.
Түркістан облысында батыс, солтүстік және таулы аудандарда қысқа мерзімді жаңбыр мен найзағай болады. Облыс бойынша төтенше өрт қаупі сақталады. Түркістан қаласында да жаңбыр мен найзағай болжануда.
Ақмола облысында түнде және күндіз жаңбыр, найзағай, бұршақ және дауыл күтіледі. Кей жерлерде тұман түседі. Көкшетау қаласында жаңбыр, найзағай және бұршақ болуы мүмкін.
Павлодар облысында жаңбыр мен найзағай болжанады. Шығыста төтенше, солтүстікте жоғары өрт қаупі сақталады.
Солтүстік Қазақстан облысында жаңбыр, найзағай, бұршақ және дауыл күтіледі. Кей аудандарда тұман түседі. Петропавл қаласында да осындай ауа райы болады.
Жетісу облысының оңтүстігі мен таулы аудандарында қысқа мерзімді жаңбыр мен найзағай күтіледі. Күндіз 35-37 градусқа дейін аптап ыстық болады. Талдықорған қаласында ауа температурасы 35-36 градусқа көтеріледі.
Қостанай облысында жаңбыр, найзағай, бұршақ және дауыл күтіледі. Кей жерлерде тұман болады. Оңтүстік-батыста төтенше өрт қаупі сақталады.
Ақтөбе облысында жаңбыр, найзағай және бұршақ болжанады. Түнде және таңертең тұман түседі. Оңтүстікте төтенше өрт қаупі сақталады.
Қарағанды облысында жаңбыр, найзағай, бұршақ және дауыл күтіледі. Батыс, солтүстік және орталықта төтенше өрт қаупі сақталады. Қарағанды қаласында да жаңбыр мен найзағай болады.
Ұлытау облысында жаңбыр, найзағай және бұршақ күтіледі. Жезқазған қаласында күндіз жаңбыр жауып, найзағай ойнайды.
Қызылорда облысының солтүстігі, оңтүстігі және орталығында жаңбыр мен найзағай болжанады. Төтенше өрт қаупі сақталады. Қызылорда қаласында да жаңбыр мен найзағай күтіледі.
