Сурет: Egemen Qazaqstan
Филиппин жағалауында болған күшті жер сілкінісінен кейін Жапонияның бірнеше аймағында цунами қаупі жарияланып, жаппай эвакуация жүргізілді, деп хабарлайды Zhaiyqmedia.kz ақпарат агенттігі.
Еуро-Жерорта теңізі сейсмологиялық орталығының мәліметінше, Филиппиннің Минданао аралы маңында магнитудасы 7,8 болатын жер сілкінісі тіркелген. Осыдан кейін Жапония билігі цунами қаупі туралы ескерту жариялады.
Эвакуация Канто өңірінен бастап Кюсю мен Окинаваға дейінгі бірқатар аймақты қамтыды. Тұрғындарға жағалау аумақтарын, өзен сағаларын дереу тастап, қауіпсіз жерлерге көшу ұсынылды.
Жалпы 10 префектурада – Ибараки, Тиба, Сидзуока, Айти, Миэ, Вакаяма, Коти, Миядзаки, Кагосима және Окинавада шамамен 95 мыңнан астам үй шаруашылығы, яғни 181 мыңнан астам адам эвакуацияланған.
Жергілікті билік тұрғындарға теңізге жақындамауды және қауіпсіз аймақтарда қалуды ескертті. Мамандардың айтуынша, күшті ағындар сақталуы мүмкін, сондықтан цунами қаупі толық жойылғанға дейін сақтық шараларын ұстану қажет.
