Сурет: Astanatv.kz (архив)
Астанада Қорғалжын тас жолының Тұран даңғылынан Қабанбай батыр даңғылына дейінгі учаскесінде жөндеу жұмыстары басталады, деп хабарлайды Zhaiyqmedia.kz ақпарат агенттігі.
Қалалық Көлік және жол-көлік инфрақұрылымын дамыту басқармасының мәліметінше, жөндеу жұмыстары мердігер ұйымның қаражаты есебінен кепілдік міндеттемелер аясында жүргізіледі. 7 маусым күні аталған учаске ішінара жабылып, көлік қозғалысы бір бағытта екі жаққа да ұйымдастырылады.
«Елорда тұрғындары мен қонақтарын қала жолдарындағы кептелістерді болдырмау мақсатында өз маршруттарын алдын ала жоспарлауды сұраймыз. Уақытша қолайсыздықтар үшін кешірім сұраймыз және жол жөндеу жұмыстарын жүргізуге түсіністікпен қарауды сұраймыз», делінген хабарламада.
