Сурет: Pixabay.com
28 мамырда еліміздің көп бөлігінде ауа райы күрт өзгереді. Синоптиктер жаңбыр, найзағай және күшті жел тұратынын ескертеді. Температура күрт төмендеп, жаздың жылы күндері уақытша шегінеді, деп хабарлайды Zhaiyqmedia.kz ақпарат агенттігі.
Қазақстанның басым бөлігінде 28 мамырда күн райы құбылмалы болады. Жаңбыр жауып, кей жерлерде найзағай ойнайды. Ауа температурасы төмендеп, желдің жылдамдығы артады.
Синоптиктердің мәліметінше, бұл күні көптеген өңірде ауа температурасы 10-15 градусқа дейін төмендейді. Кейбір аймақтарда тіпті бұршақ жаууы мүмкін. Тұрғындарға сақ болуға кеңес беріледі.
