Сурет: stat.uz
Өзбекстан билігі шетел азаматтары үшін арнайы салық режимін енгізбек. Енді шетелден түскен табыстар салықтан толық босатылады, деп хабарлайды Zhaiyqmedia.kz ақпарат агенттігі.
Жаңа режим бойынша, шетелдіктер тек Өзбекстан ішінде тапқан табыстарына ғана салық төлейді. Ал шетелдегі жалақысы, бизнес кірісі немесе инвестициядан түскен пайда салықтан босатылады.
Бұл шара Өзбекстанға шетелдік мамандар мен инвесторларды тарту үшін жасалып отыр. Елдегі салық жүйесін халықаралық стандарттарға жақындату да мақсат етілген.
«Біз шетелдіктерге қолайлы жағдай жасағымыз келеді. Олардың шетелдегі табысына салық салмау арқылы инвестициялық ахуалды жақсартамыз», – деді Өзбекстан қаржы министрлігінің өкілі.
Салық режимі 2025 жылдың басынан бастап күшіне енеді деп күтілуде. Осылайша, Өзбекстан Орталық Азиядағы ең тартымды салықтық юрисдикциялардың біріне айналмақ.
