Сурет: Aikyn.kz
Ішкі істер министрлігі қазақстандықтарды әлеуметтік желілер мен мессенджерлердегі аккаунттарын, сондай-ақ SIM-карталарын бөгде адамдарға бермеуге шақырады. Бұл қылмыстық схемаларға алып келуі мүмкін, деп хабарлайды Zhaiyqmedia.kz ақпарат агенттігі.
Ведомствоның мәліметінше, соңғы кездері алаяқтар азаматтардың жеке деректерін пайдаланып, заңсыз әрекеттер жасау жиілеген. Атап айтқанда, біреудің атына тіркелген SIM-карталар арқылы интернет-алаяқтық, кибербуллинг және басқа да қылмыстар жүзеге асырылады.
«Аккаунтыңызды немесе SIM-картаңызды бөгде адамға беру арқылы сіз өзіңізді құқыққа қарсы әрекеттерге қатысушы етіп қоюыңыз мүмкін. Салдары ауыр болуы ықтимал», — деді ІІМ өкілі.
Министрлік азаматтарды өз деректерін қорғауға және күдікті ұсыныстарға алданбауға шақырады. Егер аккаунтыңызды немесе SIM-картаңызды біреу сұраса, дереу полицияға хабарласыңыз.
