Сурет: Egemen Qazaqstan
Биыл Астанада 173 қоғамдық және аула кеңістігін абаттандыру жоспарланған. Қала бойынша 1,1 миллионнан астам көшет, бұта, гүл және ағаш отырғызылады, деп хабарлайды Zhaiyqmedia.kz ақпарат агенттігі.
Жасыл желек отырғызу жұмыстары қаланың барлық ауданын қамтиды. Әсіресе, жаңа тұрғын үй кешендері мен қоғамдық орындарға баса назар аударылмақ.
«Біздің мақсат – Астананы жайлы әрі көрікті ету. Ол үшін әрбір аула мен саябақты көгалдандырып, тұрғындардың демалыс аймағын кеңейтеміз», – деді қала әкімдігінің өкілі.
Биылғы жоспар бойынша, қоғамдық кеңістіктерде орындықтар, жарықтандыру жүйелері мен балалар алаңдары да жаңартылады. Бұл жұмыстар жаз маусымына дейін аяқталуы тиіс.
