Сурет: Egemen Qazaqstan
Астанада 35 жастағы ер адам есірткі сақтап, таратқан деген күдікпен ұсталды. Полиция оның екі пәтерін тінтіп, 4 келіден астам есірткі заттарын тәркіледі, деп хабарлайды Zhaiyqmedia.kz ақпарат агенттігі.
Күдіктінің пәтерлерінен марихуана, синтетикалық есірткі және психотроптық заттар табылған. Оларды сатуға дайындап қойған. Полиция бұл іске байланысты тергеу амалдарын жүргізіп жатыр.
«Күдікті есірткіні интернет арқылы тапсырыс беріп, қала ішінде таратып отырған. Қазіргі таңда ол уақытша ұстау изоляторына жабылды», – деді Астана қалалық полиция департаментінің өкілі.
Тәртіп сақшылары есірткі таратумен айналысқан басқа да адамдарды анықтау үшін арнайы жедел-іздестіру шараларын жүргізіп жатыр.
