Кенияда мұғалімнің сөзін ым-ишара тіліне аударатын робот жасалды. Бұл инновация есту қабілеті бұзылған балалардың жаратылыстану пәндерін меңгеруіне көмектеседі, деп хабарлайды Zhaiyqmedia.kz ақпарат агенттігі.
Жаңа робот мұғалімнің айтқанын бірден ым-ишара тіліне аударып, сабақты түсінікті етеді. Бұл балалардың оқу үлгерімін арттыруға септігін тигізеді.
«Роботтың арқасында есту қабілеті бұзылған балалар енді сабақты тең дәрежеде меңгере алады. Біз бұл технологияны басқа мектептерге де енгізуді жоспарлап отырмыз», – дейді жоба жетекшілері.
Қазіргі уақытта робот бірнеше мектепте сынақтан өтіп жатыр. Нәтижелері оң болса, оны Кенияның барлық аймағына тарату көзделген.
