Қазақстан мен Кения арасындағы ресми кездесу қорытындысы бойынша екі елдің президенттері бірлескен мәлімдеме қабылдады. Бұл құжат екіжақты ынтымақтастықтың жаңа кезеңін айқындайды, деп хабарлайды Zhaiyqmedia.kz ақпарат агенттігі.
Қасым-Жомарт Тоқаев пен Уильям Руто келіссөздер барысында сауда-экономикалық, инвестициялық және мәдени-гуманитарлық салалардағы өзара іс-қимылды талқылады. Тараптар бірлескен жобаларды іске асыруға уағдаласты.
«Біз ынтымақтастықтың жаңа бағыттарын айқындап, нақты келісімдерге қол жеткіздік. Бұл – екі халықтың игілігі үшін маңызды қадам», – деді Қасым-Жомарт Тоқаев.
Мәлімдемеде саяси диалогты тереңдету, инвестиция тарту және туризмді дамыту мәселелері ерекше аталды. Сондай-ақ, халықаралық ұйымдар аясындағы өзара қолдау көрсету жөнінде келісімге қол жеткізілді.
