Қазақстанда тексеру-өткізу жабдықтарын өндіретін жаңа зауыт пайда болады. Бұл жобаны Nuctech Kazakhstan компаниясы жүзеге асырмақ.
Өнеркәсіп және құрылыс вице-министрі Олжас Сапарбеков Nuctech Kazakhstan басшылығымен кездесіп, өндірісті іске қосу мәселелерін талқылады. Кездесуде жабдықтардың түрлері, өндіріс көлемі және мерзімдері қарастырылды, деп хабарлайды Zhaiyqmedia.kz ақпарат агенттігі.
«Біз отандық өндірісті дамытуға және импортты алмастыруға басымдық береміз. Nuctech Kazakhstan компаниясымен серіктестік – осы бағыттағы маңызды қадам», – деді Олжас Сапарбеков.
Жаңа зауыт елдегі қауіпсіздік жүйелерін жетілдіруге және шетелдік жабдықтарға тәуелділікті азайтуға көмектеседі. Өндіріс орны қосымша жұмыс орындарын ашып, аймақ экономикасына серпін береді.
