АҚШ-тың орталық штаттарын дүлей дауыл мен торнадо жайлады. Салдарынан 60 миллионнан астам адам қауіпті аймақта қалды, деп хабарлайды Zhaiyqmedia.kz ақпарат агенттігі.
Ауа райы қызметінің мәліметінше, дауылдың жылдамдығы сағатына 130 шақырымға жеткен. Торнадо бірнеше елді мекенді шарпып, үйлердің шатырын ұшырып кеткен.
«Бұл – тарихтағы ең ірі дауылдардың бірі. Біз халықты қауіпсіз жерге көшіруге күш салып жатырмыз», – дейді АҚШ-тың Төтенше жағдайлар жөніндегі агенттігінің өкілі.
Әзірге құрбандар мен зардап шеккендер туралы нақты ақпарат жоқ. Билік тұрғындарды үйден шықпауға және дауыл туралы хабарландыруларды қадағалауға шақырады.
