15 жастағы шахматшы Сауат Нұрғалиев Қазақстан чемпионатында сенсациялық жеңіске жетті. Ол 13 турда 9 ұпай жинап, алтыннан алқа тақты. Шешуші ойында тең ұпай оның көш басында қалуына жеткілікті болды, деп хабарлайды Zhaiyqmedia.kz ақпарат агенттігі.
Жас шахматшы бұл жетістікпен тек өзін ғана емес, бүкіл өңірді қуантты. Сауаттың бұл жеңісі — еліміздегі шахмат спортының дамып келе жатқанының айғағы.
Чемпионат барысында Сауат бірнеше күшті қарсыласты басып озды. Оның ойын стилі мен тактикалық дайындығы мамандардың жоғары бағасына ие болды.
