Қазақстан мен Түркия президенттері Қасым-Жомарт Тоқаев пен Режеп Тайип Ердоған стратегиялық серіктестікті тереңдету туралы декларацияға қол қойды, деп хабарлайды Zhaiyqmedia.kz ақпарат агенттігі.
Құжат екі ел арасындағы ынтымақтастықтың жаңа деңгейін бекітеді. Тараптар саяси, экономикалық және мәдени салалардағы байланыстарды кеңейтуге уағдаласты.
Ресми делегация мүшелері мемлекетаралық, үкіметаралық және ведомствоаралық деңгейдегі бірқатар құжаттармен алмасты. Бұл құжаттар екіжақты ынтымақтастықтың нақты бағыттарын айқындайды.
«Біз стратегиялық серіктестігімізді жаңа деңгейге көтереміз. Бұл – ортақ мақсаттарымызға жету жолындағы маңызды қадам», – деді Қасым-Жомарт Тоқаев.
Президенттер кездесуде аймақтық қауіпсіздік пен экономикалық интеграция мәселелерін де талқылады. Екі ел арасындағы тауар айналымын арттыру жоспарлануда.
