Мемлекет басшысы Қасым-Жомарт Тоқаев Түркия президенті Режеп Тайып Ердоғанмен БҰҰ-ның жаһандық мәселелерді шешудегі рөлін күшейтуге уағдаласты, деп хабарлайды Zhaiyqmedia.kz ақпарат агенттігі.
Кездесу барысында екі лидер Біріккен Ұлттар Ұйымын реформалау және оның тиімділігін арттыру қажеттігін атап өтті. Тоқаев Түркияның «Zero Waste» бастамасын жоғары бағалап, оның экологиялық тұрақтылыққа қосқан үлесін ерекше атады.
Эмине Ердоған ханымның «Zero Waste» жобасы – бүкіл әлемге үлгі. Біз бұл бастаманы қолдаймыз, – деді Қасым-Жомарт Тоқаев.
Тараптар сондай-ақ сауда-экономикалық ынтымақтастықты тереңдету және аймақтық қауіпсіздікті нығайту мәселелерін талқылады. Бірлескен мәлімдемеде екі ел БҰҰ Қауіпсіздік Кеңесін кеңейту және дамушы елдердің өкілдігін арттыру қажеттігін растады.
