Филиппиннің оңтүстігіндегі Басилан провинциясының жағалауында жолаушылар паромы суға батып, кем дегенде 15 адам қаза тапты, тағы 43 адам із-түссіз жоғалды, деп хабарлайды Zhaiyqmedia ақпарат агенттігі.
M/V Trisha Kerstin 3 кемесі Самбоанга қаласынан Холо аралына бара жатқан. Ол дүйсенбіге қараған түні Балукбалук аралының маңында апатқа ұшыраған.
Бортта 350-ден астам адам болғаны айтылады. Құтқарушылар 316 жолаушыны аман алып қалды.
Филиппин жағалау күзеті кемеге шамадан тыс жүк артылмағанын мәлімдеді. Апаттың нақты себебі әзірге белгісіз.
Қазіргі уақытта іздестіру-құтқару жұмыстары жалғасып жатыр. Оған аймақтағы барлық құтқару күштері жұмылдырылған.
Фото: Әлеуметтік желіден
