Айбек Смадияров Президент Әкімшілігінің ішкі саясат бөлімінің меңгерушісі болып тағайындалды ,-деп хабарлайды Жайықмедиа.кз.
Сыртқы істер министрлігінің ресми өкілі қызметінен кеткен Айбек Смадияров Президент Әкімшілігінің ішкі саясат бөлімінің меңгерушісі болып тағайындалды. Бұл лауазым қазан айынан бері бос тұрған еді.
Бұған дейін аталмыш қызметті Абзал Нүкенов атқарған, бірақ ол Алматы қаласы әкімдігіне ауысқан болатын. Айбек Смадияров жаңа қызметінде ішкі саясат бағытындағы маңызды мәселелерді басқаруға, мемлекеттік бағдарламаларды үйлестіруге және қоғамдық-саяси жағдайға мониторинг жүргізуге жауапты болады.
