Қарағанды облысының спорт басқармасының басшысы Серік Сәпиев пен оның орынбасары Дәурен Есімханов өз еріктерімен қызметінен кетті. Бұл шулы отставканың алдында жұмыс кабинетінде жанжал шығып, оқиға видеоға түсіп қалған, деп хабарлайды Zhaiyqmedia ақпарат агенттігі.
Әлеуметтік желіде тараған видеоға байланысты кейіннен қылмыстық іс те қозғалған. Олимпиада чемпионының өзі бұл оқиғаны жеке бас араздығымен емес, заңсыз кадрлық ауыс-түйісті тоқтату әрекетімен түсіндірді.
Сәпиевтің сөзінше, өңірдегі кейбір ықпалды тұлғалар спорт мектептерінің басшыларын оның рұқсатынсыз тағайындауға тырысқан. Оның осы «жүйеге» қарсы тұруы физикалық қақтығысқа әкеліп, ақыры тағайындалғанына бірнеше ай ғана болғанда қызметінен кетуіне себеп болды.
Фото: Әлеуметтік желіден
