Филиппиннің Тайгатай қаласында өтіп жатқан велотректен Азия чемпионатында Қазақстан ұлттық құрамасы сәтті өнер көрсетіп, қоржынға үш бірдей жүлде салды, деп хабарлайды Zhaiyqmedia ақпарат агенттігі.
Әйелдер арасындағы жекелей қуу сынында Рината Сұлтанова үздік үштікке еніп, ел қоржынына қола медаль сыйлады.
Ал ұпай саны бойынша топтық жарыста Әлішер Жұмақанов екінші орыннан көрініп, күміс жүлдегер атанды.
Сондай-ақ Рамис Дінмұхаметов пен Илья Карабутов жұбы мэдисон бағдарламасы бойынша жарысып, олар да күміс медальді мойындарына тақты.
Фото: Әлеуметтік желіден
