Қазақстан Президенті Қасым-Жомарт Тоқаев АҚШ президенті Дональд Трамптың шақыруымен Швейцарияға сапар шегеді, деп хабарлайды Zhaiyqmedia ақпарат агенттігі.
Мемлекет басшысының сапары 22 қаңтарға жоспарланған. Сапар барысында Қасым-Жомарт Тоқаев Давос қаласында өтетін Бейбітшілік кеңесінің жарғысына қол қою рәсіміне қатысады.
Бұл шара халықаралық тұрақтылық пен қауіпсіздікті нығайту мақсатында ұйымдастырылып отыр. АҚШ президентінің жеке шақыруы Қазақстанның жаһандық саясаттағы беделі мен рөлінің жоғары екенін көрсетеді.
Кеңестің жарғысын бекіту әлемдік деңгейдегі бірқатар маңызды мәселелерді шешуге жаңа серпін беруі мүмкін деп күтілуде.
Фото: Әлеуметтік желіден
