АҚШ президенті Дональд Трамп Гренландияны «толық сатып алу» туралы келісім жасалғанға дейін Еуропаның бірнеше еліне кедендік баж салығын енгізетінін жариялады, деп хабарлайды Zhaiyqmedia ақпарат агенттігі.
Жаңа салық 1 ақпаннан бастап Дания, Норвегия, Швеция, Франция, Германия, Ұлыбритания, Нидерланд және Финляндиядан келетін тауарларға 10% мөлшерінде салынады. Ал 1 маусымнан бастап бұл көрсеткіш 25%-ға дейін өседі.
Трамптың пікірінше, Гренландияға бақылау орнату — АҚШ-тың ұлттық қауіпсіздігі мен жаһандық тұрақтылық үшін аса маңызды. Ол аралды Қытай мен Ресей тарапынан төнетін ықтимал қауіптен тек Америка ғана тиімді қорғай алатынын атап өтті.
