19 мамыр күні кешке Шахтинск қаласындағы Молодежная көшесінде жеке гаражда өрт шықты. Өрт 20 шаршы метр аумақты шарпып, ондағы заттар мен екі мотоциклді жалмады. Өрт сөндірушілер келгенше тілсіз жау қатты дүркіреп үлгерген.
Өртті ауыздықтау барысында құтқарушылар гараж ішінен жасөспірімнің денесін тапты. Қайғылы оқиғаның мән-жайы анықталып жатыр, деп хабарлайды Zhaiyqmedia.kz ақпарат агенттігі.
Қазіргі уақытта өрттің шығу себебі мен зардап шеккен жасөспірімнің жеке басы тексерілуде. Төтенше жағдайлар департаменті өрт қауіпсіздігі ережелерін сақтауға шақырады.
