Қазақстанда мектептегі негізгі пәндерді біріктіру бастамасы тоқтатылды. Бұл шешімді Оқу-ағарту министрі Жұлдыз Сүлейменова Үкіметте өткен брифингте жариялады, деп хабарлайды Zhaiyqmedia ақпарат агенттігі.
Бұған дейін физика, химия және биологияны – «Жаратылыстану» деген бір пәнге, ал алгебра мен геометрияны «Математика» пәніне біріктіру мәселесі қаралған болатын. Сондай-ақ дүниежүзі тарихы мен құқық негіздерін біріктіріп, «Әлеуметтік ғылым» пәнін енгізу де жоспарланған еді.
«2025 жылы алқа отырысында физика, химия, биологияны – «жаратылыстануға», алгебра мен геометрияны – «математикаға», дүниежүзі тарихы мен құқық негіздерін «әлеуметтік ғылымға» біріктіру туралы шешім қабылданған болатын. Бұл реформа тоқтатылды. Біз іргелі ғылымдарды жеке оқыту керек деп санаймыз», – деді Жұлдыз Сүлейменова.
Министр бұл шешім мұғалімдер қауымдастығымен талқылаудан кейін қабылданғанын атап өтті.
Фото: Әлеуметтік желіден
