Сурет: Depositphotos.com
Футболдан 2026 жылғы әлем чемпионатында Германия құрамасының қақпашысы Мануэль Нойер екі рекорд орнатты, деп хабарлайды Zhaiyqmedia.kz ақпарат агенттігі.
Топтық кезеңнің алғашқы турында Кюрасаоға қарсы ойында негізгі құрамда алаңға шыққан Нойер үшін бұл мансабындағы бесінші мундиаль болды. Сондай-ақ тәжірибелі қақпашы Германия сапында ірі халықаралық турнирде ойнаған ең егде футболшы атанды. Бұған дейінгі рекорд Лотар Маттеуске тиесілі еді.
Кездесуде Германия Кюрасаоны 7:1 есебімен ойсырата жеңді. Феликс Нмеча, Нико Шлоттербек, Джамал Мусиала, Натаниэль Браун және Дениз Ундав бір-бір голдан соқты, ал Кай Хаверц дубль жасады. Кюрасао құрамасының жалғыз голын Ливано Комененсия соқты.
Кюрасао әлем чемпионатына алғаш рет қатысып отыр. Команданы бас бапкер Дик Адвокат жаттықтырады.
Бірінші турдан кейін Германия үш ұпаймен Е тобында көш бастады. Бұл топта Эквадор және Кот-д’Ивуар құрамалары да бар.
