Үкіметтің соңғы отырысында Ұлттық Банк төрағасы Тимур Сүлейменов кеңейтілген баяндама жасап, ақша-кредит және фискалдық саясат бойынша министрлер кабинетімен өзара іс-қимыл қағидаларын таныстырды.
Монетарлық реттеуші 2026–2028 жылдарға арналған макроэкономикалық тұрақтандыру және халықтың әл-ауқатын арттыру жөніндегі Бірлескен іс-қимылдар бағдарламасы аясында Ұлттық банк, Үкімет пен ҚНРДА жұмысының негізгі бағыттарын түсіндірді.
Тимур Сүлейменовтің айтуынша, ақша-кредит саясаты инфляцияны төмендетуге, инфляциялық күтулерді тұрақтандыруға және теңгеге деген сенімді нығайтуға бағытталған. Сонымен қатар, базалық мөлшерлемені бекітуде тәуекелдер балансы, сыртқы конъюнктура, ішкі сұраныс, жұмыспен қамту және басқа да экономикалық факторлар жан-жақты талданады.
Экономистер мен сарапшылардың пікірінше, Ұлттық банк пен Үкіметтің үйлесімді жұмысы нарыққа тұрақтылық әкеліп, ел экономикасына сенімділікті арттырады.
Cypeт: Ұлттық банк
