Сурет: pexels
Шотландия астанасы Эдинбургте балта ұстаған ер адам мешіт маңындағы адамдарға шабуыл жасап, бес адамды жарақаттады. Күдікті полициямен ұсталды, деп хабарлайды Zhaiyqmedia.kz ақпарат агенттігі.
Оқиға 19 маусым кешінде қаланың батыс бөлігіндегі Брумхаус мешітінің жанындағы саябақта болған. Шабуылдан кейін күдікті жанармай құю станциясында ойран салып, көліктердің терезелерін сындырып, пиццерияның есігін бүлдірген.
Зардап шеккендер жеңіл және орташа деңгейдегі жарақат алған. Олардың арасында екі 22 жастағы азамат, сондай-ақ 24, 27 және 39 жастағы адамдар бар. 36 жастағы ер адам 20 маусым күні ұсталған.
Тергеушілер қылмыстың ксенофобиялық негізде жасалған болуы мүмкін деген нұсқаны қарастырып жатыр. Іске терроризмге қарсы бөлімшелер де тартылғанымен, шабуылдың нақты себебі әзірге анықталған жоқ.
Шотландияның бірінші министрі Джон Суинни болған оқиғаға қатты алаңдаушылық білдіріп, елде «зорлық-зомбылыққа, нәсілшілдікке орын жоқ» екенін мәлімдеді.
