Қытайдың Ханчжоу қаласында көше тәртібін сақтау үшін 15 робот-полицей қызметке кірісті. Бұл «ақылды» патрульдер жаяу жүргіншілер мен велосипедшілердің жол жүру ережелерін бұзғанын анықтап, жол көрсетеді, деп хабарлайды Zhaiyqmedia.kz ақпарат агенттігі.
Роботтар камералар мен датчиктер арқылы айналаны сканерлеп, тәртіп бұзушылықты тіркеген кезде дауыстық хабарлама жібереді. Олар сондай-ақ жол қозғалысын реттеп, туристерге бағыт-бағдар көрсете алады.
Жергілікті билік бұл технология адам полицейлерінің жүктемесін азайтып, жол қауіпсіздігін арттырады деп есептейді. Роботтардың жұмысы алғашқы күндерден-ақ нәтиже көрсетіп, қала тұрғындарының оң пікіріне ие болды.
